【財經TOP SEARCH】中移升勢持續至「兩會」前後？

【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、美團(03690)、中國移動(00941)、領展房產基金(00823)及旭輝控股集團(00884)。

中資電訊股今朝表現強勢，中移動及中國聯通(00762)曾逼近3年高位。內地預期於3月初召開「兩會」，市場估計，會議後內地會落實新一輪全國基建項目，而新能源及資訊領域基建將成為重心，今朝中資電訊股出現突破，升咗上去，呢個勢頭可以持續幾耐？

椽盛資本投資總監曾永堅指，「兩會」對新一屆領導嚟講係一個接班時間，市場相信，中資電訊股可望受惠於中國未來新基建投資作主力嘅政策環境，另一方面，中資電訊商1月嘅營運數據普遍持續增長，基本面都令市場滿意。

佢又話，依家中移動市盈率(PE)向好，股息率喺7.5厘樓上，進可攻退可守，對做唔同部署嘅投資者都有吸引力，估計升勢喺「兩會」前後仍然持續。