【Now財經台】理文造紙(02314)前日收市後發盈警，但股價噚日照升，今朝一度逼近4元嘅10個月高位，但之後掉頭向下，並愈跌愈多，挫逾10%，成交亦顯著增加，點分析理文發盈警後嘅走勢？
博威環球資產管理金融首席分析師聶振邦指，理文上半年盈利倒退約58%，同盈警預期倒退60%差唔多，其實市場對盈警消息唔係太在意，因此，港股噚日上升時，理文股價亦跟升。
聶Sir又話，噚日摩根士丹利出報告，理文目標價睇3.5元，仲低過收市嘅3.9元，因此，市場開始重新審視理文嘅價值未必係咁吸引，繼而拖累股價，加上陸續有大行睇淡理文未來業績表現，股價難免受壓。
