【港股今日睇】飛魚科技唔啱「長坐」？

【Now財經台】遊戲股飛魚科技(01022)發盈警，預告去年虧損收窄至最多2500萬人仔，主要係舊年推出嘅新遊戲，帶動收益大幅增長，對公司前景係咪可以向一個好嘅方向睇？

投資版專欄作家唐牛指，收入增加始終係一件好事，因為唔係靠削減成本做返靚盤數，即使下半年輸最多1500幾萬人仔，輸得多過上半年，但相比2021年全年輸7000幾萬人仔，市場都會收貨。

投資部署方面，唐牛認為，從炒作角度睇，飛魚科技唔適宜「長坐」做中長線投資，一定係短炒，當有消息或概念時衝咗入去，一旦發現唔對路，不論輸贏都要走。