【Now財經台】內房二手交投回暖，據最新數據顯示，價量均顯著回升，內房、物管股今日逆市造好，其中物業代理股貝殼(02423)股價更創新高，早段一度升逾6%，高見55.8元，午後續於高位徘徊。
華盛証券經紀部董事李偉傑表示，雖然內房整體銷售數據未大幅改善，但二手數據好轉可視為購房剛性需求逐漸回升。佢認為，過去2季內地不斷有利好樓市嘅政策出台，但現時內地人消費能力仍受經濟放緩影響，可能要睇埋今季數據，先可以判斷內房係咪真正復甦。
Jason又話，貝殼近年受內房市道不景影響而勁蝕，舊年要扭虧為盈基本上無望，不過，集團舊年第3季業績已明顯改善，股價亦開始起動，可能投資者憧憬出咗舊年第4季業績後，按季表現會持續好轉，所以今日有炒作。
