【Now財經台】截至早上11時止，1小時內《彭博》用戶關注度上升最多港股，依次為藥明生物(02269)、領展房產基金(00823)、騰訊控股(00700)、美團(03690)及碧桂園(02007)。
藥明生物發盈喜，預告去年多賺30%至44億人仔，破紀錄，收入亦預期增長48%，不過，藥明系股價今朝全線受壓，藥明生物更加係4隻藍籌藥股中，表現最差嘅1隻，一度挫逾5%，險守60元，中午收市跌4%，報61.9元。
資深證券分析師彭偉新指，雖然藥明全年盈利靚仔，但其實下半年增長放緩，加上近期中美關係緊張，投資者可能擔心美國未來會再推出針對中國企業嘅限制措施，藥明生意因而所影響，投資者就趁機減磅。
Castor又話，藥明股價技術上企穩50天線，認為投資者未必會清倉，後市可留反映短線走勢嘅20天線，可唔可以企穩50天線樓上，如果企得穩，股價有機會重拾升勢。
