【Now財經台】九龍倉置業(01997)發盈警，預期去年業績盈轉虧，主要同物業重估有關，集團估計，全年物業重估虧損顯著擴大，虧損金額相當於上半年虧損逾2倍，上半年物業重估虧損超過50億元，即全年物業重估虧損超過100億元，不過，本港已跟內地全面通關，今次盈警其實係咪反映九置最壞時間已經過去？
香港大學房地產及建設系客席副教授楊書健指，雖然九置發盈警，但主要同物業重估有關，九置嘅租金收入及核心淨收入仍然係正數。Victor又話，本港零售市道算係回穩返，第3、第4季零售租金會慢慢升返，九置屬於收租股，依家持有嘅物業中，最值得留意嘅係海港城及前海廣場，呢兩個都係主要零售商場，因此，九置前景可以睇返好啲。
