【Now財經台】舜宇光學(02382)噚日收市後公布1月出貨數字,手機鏡頭出貨量按年跌49%,手機攝像模組按年跌18%,不過,車載鏡頭按年升22%,手機鏡頭出貨已連跌9個月,係咪反映手機行業仲未有轉勢跡象?
紅蟻資本投資總監李澤銘指,如果從銷售角度睇,仲未有轉勢跡象,而依家呢個最壞情況會持續幾耐,仍然係未知之數,更令人擔心係,連iPhone都要cut單,預示手機下行周期已蔓延至iPhone,未來一段時間似乎都睇唔到見底反彈跡象。
舜宇上月重返「紅底股」,股價今日一度跌至101元邊緣,有貨及冇貨嘅投資者應該點部署?Alan估計,舜宇股價今年難大升,主要係呢個板塊唔再係投資焦點,預期會繼續喺95元至110元波動,而現價嘅操作空間唔大,向上短線冇獲利機會,向下又未見到有撈貨機會,但有貨短線風險唔大。