【Now財經台】金界控股(03918)舊年成功扭虧為盈，轉賺1.07億美元，但相比疫情之前，盈利仍相差一大截，到底金界業績復甦情況理唔理想？集團話為保留現金，所以選擇用「以股代息」方式恢復派息，對投資者嚟講吸唔吸引？
耀才證券研究部總監植耀輝指，「以股代息」對投資者嚟講始終「爭啲」，派現金一定吸引好多，而今次派息唔多，以全年派息金額嚟講，只係10幾美仙，即使派現金，金額都唔大，如果只係一般散戶，持貨又唔多，吸引力絕對唔大。
Stanley話，睇好金界未來嘅業務發展，雖然睇返舊年業績，收入同疫情前相比仲差一大截，但喺復常概念下，若今年表現逐步改善，對股價相對正面。
