【Now財經台】唔少分析指，單睇中資股持倉，目前長倉基金仍然未買夠貨，早前，摩根士丹利更指現時嘅情況，類似2008年底至2009年初，究竟資金回流中國資產嘅情況係點？
以立投資董事總經理林少陽表示，留意到科網股去年底因內地政策轉向而被夾淡倉，並推動板塊出現遠超大市嘅反彈，不過，佢認為呢輪反彈好大機會喺1月底前已經完結。
Vincent又話，外資對中資股嘅信心仲未返嚟，又引用美股Invesco中國科技類股ETF(CQQQ)數據，分析中國平台經濟股嘅資金流向，指舊年由頭到尾都錄得流出，而去年底內地復常後，未見有增持行動，今年亦只有小量資金流入。
