【Now財經台】順豐同城(09699)最新業績顯示，舊年上半年收入主要來自兩大業務，分別係同城配送服務及最後一公里配送服務，其中，前者收入佔整體65%，公司上周一收市後發盈警，預期去年虧損減少50%以上，其中一個原因係深耕餐飲令集團收入實現良好增長，抖音進軍外賣市場，其中一個合作物流商就係順豐同城，係咪值得憧憬？
英皇證券研究部總監陳錦興指，順豐同城同抖音合作係值得憧憬，順豐同城係即時配送能力好強，收入增長理想，公司又發展唔同配送場景，令呢方面愈做愈大，一定會帶動毛利增長，改善虧蝕情況，同抖音合作對順豐同城業務有一定刺激作用，但要留意呢方面嘅生意量有冇預期咁大。
