【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、碧桂園(02007)、龍湖集團(00960)、港交所(00388)及中國海洋石油(00883)。
百強房企中，萬科企業(02202)、碧桂園及中國海外發展(00688)已出咗1月銷售數據，但龍湖仲未公布，睇返往績，集團銷售都過百億， 呢類「百億銷售房企」其實係咪唔需要特別擔心？
資深證券分析師彭偉新指，其實主要擔心銷售數字達唔達標，去唔去100億元只係一個期望，因為喺內地咁多唔同消費政策推動下，難免會分散咗居民嘅消費力去其他範疇。
Castor又話，依家內房仍未算回穩，內房股短炒多過作中長線持有，再睇返內房股近期走勢，股價上落可以好大，反映投資者對內房股仍未有信心。
