【Now財經台】太陽城集團係舊年8月改名LET GROUP(01383) 上周五收市後宣布，折讓配股集資，配售價0.186元，較上周五收市價折讓逾9%，預期淨籌約4850萬元，係咪因為折讓唔大，所以股價今日早段可以逆市靠穩?
《香港股票財技密碼》作者梁杰文指，今次配股佔已發行股本唔係好多，配售代理都係以往公司嘅相熟行，加上公司股權相對集中，不過，對LET GROUP嚟講，最壞情況已經過咗，有人會解讀周焯華已判刑係好消息，因為所有嘢已麈埃落定，對公司嘅影響已告一段落，投資者會較有耐性，加上今次配股唔多，所以股價會較硬淨，又或者係市場預期之內，所以股價今日唔太受消息影響。
