【槓桿致勝】邊類騰訊CALL啱短線博反彈？

【Now財經台】騰訊控股(00700)股價今朝跟隨大市向下，低開後，跌幅曾擴大至逾3%，唔少資金繼續流入騰訊，股價今日失守20天線，多唔多資金部署博反彈？CALL輪喺450元水平都多投資者揀，槓桿約10倍，係咪合適嘅選擇？

法國巴黎銀行上市衍生產品部林恩指，騰訊股價跌返落嚟，見到有資金部署好倉博反彈，騰訊股價其實升咗唔少，1月累升約20%，而自1月底高位約417元跌落嚟，回調幅度約10%，但同50天線，即336元水平仍有一段距離，市場上逾400元、約10倍槓桿嘅產品較受歡迎，至於約450元、3個月左右到期嘅CALL，槓桿做到10倍，適合博短線反彈。

佢又話，如果唔介意犧牲槓桿，可以考慮揀年期再長1至2個月嘅產品，因為依家較難判斷反彈時機，所以要留意返時間值損耗。