【Now財經台】歐洲今個冬天異常温暖，令能源需求減少，加上各國積極「儲氣」，令歐洲天然氣價回落，支持經濟發展，不過，歐洲央行行長拉加德表明，有意喺3月會議再加息0.5厘，又唔認為加息周期已屆尾聲，而下月起又啟動「量化緊縮」，歐元區貨幣政策會點走？
光大證券環球市場及外匯策略師黃俊能指，俄鳥戰事一日未完，歐洲仍會受能源問題困擾，而歐洲工業發展又倚賴天然氣，因此，佢估計，歐洲工業發展未來會出現結構性轉變，影響整體經濟發展，令歐洲經濟發展唔樂觀。
佢又指，歐央行貨幣政策仍有放寬空間，但認為加息仍未必為歐元帶嚟支持，歐元依家喺1.1水平有阻力，預期後市會回落至1.06至1.07水平，建議投資者再等一段時間才吸納。
