【Now財經台】雖然港股呢幾日回調，但個別股份仍有炒作，包括AI及GPT概念股，其中百度集團(09888)近日熱炒公司擬3月推中國版「ChatGPT」嘅傳聞，今日出現回套，同類股份如商湯(00020)今日仲有得升，資金係咪會繼續追炒呢類股份？
冠域商業及經濟研究中心主任關焯照指，依家資金係充裕，唔少會買一啲有概念嘅落後股，例如AI相關股商湯係由低位抽返上嚟，商湯亦有機會喺3月納入富時指數，睇返商湯盤路，升勢有大成交配合，下跌時成交就縮，只要唔跌穿10天線呢類重要位置，係仲有得炒，去到3元邊緣。
關博士又話，呢兩個星期主要睇股份嘅動力，商湯呢類股份如果繼續有資金灑落去，追貨其實係幾著數。
