【Now財經台】內地4家車企今年1月銷售及交付數據，以比亞迪股份(01211)及理想汽車(02015)表現較好，摩根士丹利指，理想汽車1月銷量係歷來第2高，市場關注下周推出嘅新車L7，至年底又會推出配備高功率充電HPC嘅電池電動車，充電最快10分鐘完成，不論銷量及前景係咪都比另外兩大造車新勢力好？
艾德金融聯席董事陳政深指，理想汽車嘅生產線其實都有混能汽車，唔係單純電動車，有利公司應對唔同市場，其實內地唔同城市、地區嘅充電網絡發展差異，唔同產品都可以應對返不同嘅地方。
至於理想汽車前景，Ryan就話，最重要係睇返整個電動車生態，政策方面，補貼、購置稅寬免都已經結束，買家預期電動車會愈來愈貴，而喺龍頭Tesla減價下，非龍頭車企本身銷量又唔係咁穩定，未來情況會更嚴峻，佢估計，車企銷量會喺2月及3月見真章。
