【Now財經台】印度財長指，今年當地財赤佔GDP嘅比重，有望降至低過6%，受疫情影響，印度2021財年財赤佔GDP比重曾高達9.5%，印度一方面要大搞基建，但又要降低財赤佔GDP嘅比重，最終係咪要靠發債「埋單」？作為全球第6大經濟體嘅印度頂唔頂得住？
資深經濟師羅家聰認為，印度財赤佔GDP嘅比重好難降低，因爲政府財赤佔GDP比重一般同經濟周期上落吻合，但新興市場另計，因爲呢啲國家嘅基建工程，有條件或空間去使多啲錢，尤其印度搶緊國際市場嘅分額，喺呢個情況下，政府仍有空間發債去換取一啲時間，而印度政府本身嘅債務仍未去到好危險嘅水平，所以唔會對全球構成即時衝擊。
