【now.com財經】今朝揀咗隻恒指熊(51205)出嚟，以小時圖見10小時線有阻力而出動，按今朝Patreon出文時間為10點22分，on top比多10分鐘作為睇文時間，即10點32分，睇返當時小時圖走土力，指數仍然低走於10小時線，以此起計又用10分鐘作為落場時間，即10點30分至10點40分，期內(51205)高低位做過0.067元/0.057元計，平均買入價為0.062元。
今朝都Set定目標就係100小時線；反方向過10小時線即閃。一去到11點至12點呢段時間，指數喺五分鐘圖出咗「雙底」回升，以小時圖10小時線(21,869點)計，大約喺11點10分已經上破咗，即觸發咗(51205)沽貨訊號。以此起計又用10分鐘時間走貨，即11點10分至11點20分，按(51205)高低位做過0.057元/0.047元計，平均走佬價為0.052元，2月第一注平均輸10格或16.13%。唔緊要，冷靜一下個人之後再慢慢追。
下半場開市之後，其實見指數已經完全企返上10小時線以上水平，當然話10小時線上破指數更為正確，因為指數實在係未見有太大變動。
未見方向更加唔好貿然落場，都係抖多陣算，最多個心擺住指數日線圖見20天線有支持先。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
