【Now財經台】比亞迪股份(01211)噚日發盈喜，反映去年第4季表現持續強勁，內地維持多年嘅新能源車補貼政策已經終止，而比亞迪部分車款去年底已經加價，今次盈喜有冇受惠於加價？呢個勢頭又可唔可以延續至今年？
華盛証券經紀部董事李偉傑指，舊年因為取消補貼，帶挈比亞迪去年第4季銷售理想，比亞迪車價介乎逾10萬至20萬人仔，加價2000至6000人仔，幅度算係合理，相信消費者可以消化到，相反，如果比亞迪唔加價，就會令每部車產出都有一定盈利壓力。
Jason又提醒，比亞迪加價撞正Tesla減價，會唔會令2家公司此消彼長，導致比亞迪嘅市場份額被搶走，呢方面係值得留意。
