【Now財經台】騰訊控股(00700)股價重上400元關口，更收復405元嘅南非股東減持價，市場係咪傾向睇好騰訊走勢，部署好倉較多？
瑞信上市交易產品部副總裁薛健鋒指，騰訊股價依家升得幾急，資金流出好倉，流入淡倉，但流出原因主要係沽出到價或者貼價牛證，再上移到行使價高少少嘅CALL做好倉部署。
Lawrence又話，現時成交最活躍係行使價450元至460元嘅CALL，但100:1嘅產品好貴，唔想注碼太大，市面上有較貼價、行使價冇咁高嘅CALL，例如430元至450元、約450:1，入場費平好多，而且都做到6倍至7倍槓桿。
若擔心產品太貼價，槓桿唔夠高，其實價外產品年期較長，喺股價大升下，先選擇約450:1、6月到期、輕微價外，到價再向上換馬，風險就可以再細少少。
