【Now財經台】截至早上11時止，1小時內《彭博》用戶關注度上升最多港股，依次為小米集團(01810)、騰訊控股(00700)、舜宇光學(02382)、友邦保險(01299)及龍湖集團(00960)。
近日小米汽車首款車型設計外洩，雖然集團代表澄清外洩嘅設計文件並非最終稿，但小米股價今朝表現仲好興奮，一度升逾10%，高見13.08元，之後升幅略為收窄，暫時係表現最佳藍籌。
椽盛資本投資總監曾永堅指，小米汽車嘅新消息加強短線盤追上，但上周五(20日)，即上個交易日，小米嘅沽空比例處於高水平，唔排除今朝升勢係被夾倉盤或平倉盤推上去。
睇返基本面，曾永堅指，依家智能手機銷情低迷，暫時冇大品牌嘅旗艦機型能夠掀起新一輪換機潮，短線只有內地復常帶動內需嘅憧憬撐住股價。
Jasper又話，小米股價技術上收復咗250天牛熊線，即12元水平，後市要留意係咪守得住呢個位。
