【Now財經台】阿里巴巴(09988)同騰訊控股(00700)呢兩隻重磅股，過去一段時間都升咗唔少，有唔少投資者仲搵緊入場時機。
冠域商業及經濟研究中心主任關焯照就認為，騰訊獲批遊戲版號反映內地略為放鬆對公司嘅監管，雖然股價已反彈咗好多，但較當年嘅700元水平，仲有一大段距離，如果想穩陣啲，佢建議揀阿里，因為股價彈得相對少，反而風險較細，回報亦靚仔啲。
農曆年長假在即，關博士預期，呷哺呷哺(00520)等消費股，有機會喺假期後再炒多轉，呷哺股價已衝破50天線，技術走勢唔錯，後市有機會升穿9元。
此外，內地經濟重啟後，金價、銅價今年已累升逾10%，關博士表示，可以留意紫金礦業(02899)、江西銅業(00358)，因為呢兩隻股份之前跌咗唔少，佢相信可以繼續上。
