【Now財經台】要數今個星期強勢股，一定唔少得手機設備股，今朝受歡迎嘅瑞聲科技(02018)CALL輪，行使價比較分化，價內至價外33%都有，都做到3倍至4倍槓桿，屬於中長身，今年6月至10月到期，呢類CALL適合邊類投資者？
星展財資市場部上市產品策略師鍾宛婷表示，瑞聲股價上返20元之後，今朝一度再升近4%，表現強勢。資金流方面，早排有大戶偷步買返CALL輪，到今朝仍然坐緊貨。
Kathrin又話，6月到期、相對貼價嘅CALL適合保守投資者，但要留意輪價開始偏高，而資金較偏好更高行使價、10月到期嘅CALL，呢類CALL換股比率較大，可以較靈活部署。
