【now.com財經】點都估唔到今朝出完淡倉見喺9點55分同10點於五分鐘圖上出現爭兩點「平底」之後，指數反方向抽返上去，抽到連今朝裂口低開嘅都補咗，臨完場前接近16分鐘，仲更指數跌轉升。恒指熊(50159)，可以留嚟煲醋。
午後見恒指仍然踩住五分鐘圖50分鐘線(五分鐘圖10線)再上，Back Test 10天線可以算是成功，指數反過來依家1點12分見21,714點，倒升36點，由今朝向下殺過落去牛證第一層街貨，反過來向上走返入熊證第一層街貨21,700至21,799點，呢一層係新增嘅，所以見到只係得相當於37張期指；上到21,800至21,899點嘅都只係得192張期指街貨咁大把。都真係估唔到明明都落到牛證街貨層而近牛都有唔少貨喺度，偏偏一個鯉魚翻身策上打返上去都有嘅。
依家1點14分，事實上作戰室有開過兩次好倉，再揸住喺手嘅仍然都係咬實50分鐘線做Trade，按目前情況睇保歷加通道仍然整條向上，但開始見到通道口有少少想收窄，50分鐘線都隨時凍過今朝早天氣，但如果真係踩得實的話而借呢條線出好倉，唔反對，只係真係拉實條50分鐘線就可以架啦。
Product我就唔捉啦，今朝捉錯方向+假期前夕都係多一事不如少一事；手痕嘅Paper Trade止痕亦可。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
