【Now財經台】截至早上11時止，1小時內《彭博》用戶關注度上升最多港股，依次為舜宇光學(02382)、騰訊控股(00700)、藥明生物(02269)、中國恒大(03333)、港交所(00388)。
舜宇股價連升兩日，可能因為三星下月初有新旗艦機登場，帶挈股價逆市跑贏，舜宇及瑞聲科技(02018)股價相對落後，加上呢兩家公司負債比率唔算好高，似乎唔使擔心佢哋會「抽水」，咁舜宇及瑞聲係咪追得過？
資深證券分析師彭偉新指，現時市場對手機嘅整體需求比以往低，如果新旗艦機喺功能等各方面冇明顯突破，估計唔會出現換機潮。佢又話，不論Apple或小米集團(01810)，新機出貨量都比預期差，因此，呢兩隻手機設備股最多只能憧憬佢哋估值復常，但股價上升空間唔大，並相信會繼續落後。
