【Now財經台】騰訊音樂(01698)喺內地市場擁有近70%份額，集團去年第3季透過贊助虛擬演唱會，帶動廣告收入強勁增長，股份評級有機會被上調，大和認為，短期而言，市場對互聯網行業嘅投資信心好轉、會員服務收費加價等，都係騰訊音樂嘅股價催化劑，不過，截至去年9月底止，集團喺收入未有大幅增長下，純利重上10億人仔水平，係咪反映業績基本面持續改善？
中薇證券研究部執行董事黃偉豪指，騰訊音樂基本因素唔差，截至舊年第3季止，在線音樂業務按年增長19%，音樂平台類或平台經濟類股份，都好著重活躍人數表現，騰訊音樂喺呢方面的確較強，有逾5.8億人次，付費率亦升至14.5%，如果之後愈嚟愈多人肯比錢，盈利前景會較樂觀。
Ravi又話，之前內地對音樂平台實施監管，要求開放市場避免壟斷，消息一度影響騰訊音樂，依家已到咗監管尾聲，係重拾行業增長嘅時間，騰訊音樂仍有較強議價能力。
