【now.com財經】今朝揀咗隻恒指牛(69397)出嚟，Set好以恒指五分鐘圖見指數回落後踩得住50分鐘(五分鐘圖10線)有支持的話，就當係進取注策略出隻(69397)；安全嘅可以等返Slow STC(14,3)落超賣先出，博做返一個簡單嘅Swing Trade。
以今朝Patreon出文時間為10點9分，on top比多10分鐘時間，即10點19分，再睇返恒指五分鐘圖，見當時指數已經踩住50分鐘線上咗去，比啲時間再等嘅話，去到喺10點35分見到「大陰燭」出現，向下失守50分鐘線後直插到100分鐘線(五分鐘圖20線)，其後50分鐘線都向下同100分鐘線，組合成雙線，指數於11點25分重上兩線之上，都算是符合咗進取策略出動隻(69397)，按11點25分至10點35分呢10分鐘之內出隻(69397)，其內高低位見過0.075元/0.07元計，平均買入價為0.0725元。
出場後其實都差唔多上半場就完，同時亦有見到保歷加通道口有收窄情況，還好嘅係直至上半場完場前為止，指數仍然守得住50分鐘線同100分鐘線之上，唯望下半場開市之後，保歷加通道口拓闊出指數彈高少少嘅位置，走到隻(69397)啦。
下半場開市之後，其實都未見到指數有好大變化，保歷加通道仍然收窄中。依家1點19分，指數失守保歷加通道中軸，兼有作勢向保歷加通道底線出發，換上平均線睇嘅話，就見到指數下方仲有一條250分鐘線(五分鐘圖50線)喺一個比較近嘅位置有望做返個支持。只係目前Slow STC(14,3)兩線仍然往超賣方向出發，未見轉勢。
Set好穿250分鐘線走人算啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
