【Now財經台】截至早上11時止，1小時內《彭博》用戶關注度上升最多港股，依次為舜宇光學(02382)、騰訊控股(00700)、花樣年控股(01777)、美團(03690)及新世界發展(00017)。
三星即將舉行旗艦機發布會，3年以嚟首次有實體產品發布會，通常有新機出都會炒起手機設備股，三星出新機對市場有幾大利好作用？
富昌證券聯席董事譚朗蔚指，以往不論國產或外國品牌舉行發布會，都會引起市場憧憬，但未必有炒作，今日舜宇及瑞聲科技(02018)都升得靚，其中瑞聲更升逾10%，應該係配合市況氣氛造成，有新手機出帶嚟憧憬，又配合到市況，但其實呢兩隻手機股都略為跑輸大市，唔少科技藍籌股早已突破去年11月及12月高位，雖然今日重返「紅底股」，但仍未上到12月高位，同資金炒作流動追落後有關，基本因素只得憧憬，但舜宇每月數據及整體換機潮，以及鏡頭需求都唔太配合，所以只屬於短炒。
