【Now財經台】大市喺周末前冇乜方向，但資金仍然搵到嘢炒，就係一啲未有盈利嘅生物科技股(B仔股)，好多隻午後仍錄得雙位數升幅，值得留意係，除咗仲未有錢賺外，其實呢啲股份都冇乜共通點，點解會成板炒起晒？
紅蟻資本投資總監李澤銘指，美股噚晚炒通脹預期降溫，加息步伐會放慢，甚至可能提早減息，對高估值或未有估值嘅股份嚟講，會有一個短暫契機。Alan又話，B仔股落鑊亦同7輪集採有關，集採對相關大型企業嘅影響較細，隨著集採開始完結，藥股等股份嘅風險似乎逐漸減少，加上大市似乎已炒到水尾，消費、出遊等强勢股已出現明顯調整，就連公用板塊都開始炒返起，因此，去到最後一輪炒作，投資者會揀返市值相對較細嘅股份炒。
