【Now財經台】被稱為「最準蘋果分析師」嘅郭明錤放風傳鴻騰精密(06088)或成新一代Airpods組裝商，並預期明年開始會大量出貨。
如果消息屬實，鴻騰攞到呢張大單後，相信業績會顯著受惠，股價亦受消息刺激，中午前曾最多急升30%，高見2.5元嘅逾52周高位。
艾德金融聯席董事陳政深認為，消息有一定可信性，因為蘋果近年將部分供應鏈轉移到中國以外嘅地區，並引用2021年數據，指出當時有逾一半蘋果嘅供應商來自中國，係佔比最多嘅國家。
Ryan續分析指，競爭對手歌爾自去年11月起傳出失去Airpods組裝商身份，而收入自2021第3季就不斷受內地疫情反覆拖累而波動，或令蘋果覺得單靠歌爾供應零件會增加生產風險，所以就搵埋鴻騰甚至更多廠商以分散風險。
佢表明唔建議現時高追鴻騰，不過認為估值唔算高，等股價高位回套跌至近2元水平後值博率高，可以考慮吸納。
