【Now財經台】2022年10隻表現最好嘅高息股中，兩桶油、內銀內險股跑出，同時間亦見到內房身影，是藍籌中國海外發展(00688)及華潤置地(01109)，結果係咪有啲令人意外？
安泓投資總監兼香港大學房地產及建設系客席副教授楊書健指，去年俄烏衝突，炒起油價，中國石油化工(00386)及中國石油股份(00857)上榜。至於內房，當行業發生重大轉變時，令一部分競爭者冇再咁有競爭力，而市場上嘅對住屋嘅需求其實仍然存在，剩低仲係市場上嘅就贏埋呢啲份額。通常樓市嘅解決辦法係公司同銀行傾，或者靠大型、穩健嘅公司買起啲較優質嘅樓盤，並完成埋佢。因此，今次內房事件下，中海外及華潤置地，兩大內房龍頭當然會有更多機會。
