【Now財經台】麥格理首次給予3隻汽車經銷股評級，中升控股(00881)、美東汽車(01268)與永達汽車(03669)評級均為「跑贏大市」，其中首次給予中升目標價81.6元，對應今年預測市盈率(PE)14.5倍，距離現價仲有約70%上升空間。
不過，耀才證券研究部總監植耀輝認為，現時不宜沾手呢類股份，因內地疫情反彈會令內地人減少出行，買車意欲亦會下降。睇返行業數據，上年已有約40%嘅4S店(一條龍式特許汽車經銷店)結業，加上疫下汽車經銷行業一直有庫存問題，影響公司現金流，因此，板塊先會落後大市咁耐，今日純粹係跟大市反彈。
Stanley續指，內地官方至今仍未交代推出新一輪鼓勵購買新能源車嘅政策，佢認為，唔少消費者已經趁去年仍有補貼時提早買車，並預期今年上半年汽車銷售未必暢旺。
