【Now財經台】中國電力(02380)近排進行業務重組動作多多，繼上周出售一個煤電項目60%權益後，今朝公布增持一個廣西風電項目，中午又再宣布旗下「新源綠能」有增資動作。
據公司中期業績顯示，截至去年6月底止，火力發電資產淨值僅46億人仔，按年大減逾50%，價值遠低於其餘3種新能源發電嘅合計資產淨值。
獨立股評人莫灝楠認為，中國電力開始剝離火電資產，並增加新能源資產，將有助推升股價，因為市場鍾意新能源發電概念，加上煤碳價格高企，亦不利火電盈利表現。
中國電力股價已連升7日，累升約35%，一度收復250天牛熊線，係3個半月以來首次，Casper相信，中國電力仲有得升，但觸及250天線後，短期可能遇到阻力，建議之前有貨嘅投資者可以喺現水平先散部分貨。
