【Now財經台】華泰證券(06886)擬「A+H」10供3，集資不逾280億人仔，但暫時未有公布供股價，受消息拖累，華泰AH股今日齊插水，係咪反映市場唔睇好？同業中信証券(06030)舊年亦「A+H」供股，都係籌280億人仔，當時係業內有紀錄以來最大規模供股集資，當時亦嚇市場一跳，華泰股價嚟緊又會點走？
華盛証券經紀部董事李偉傑指，供股一定係負面，所以華泰股價今日跌係合理，始終供股要小股東額外攞錢出嚟，加上又未公布供股價，冇數得計，小股東都係先走為妙。佢又話，信証舊年供股折讓約10%，估計華泰今次供股折讓幅度應該差唔多，小股東短期持貨意欲一定細咗，依家市場一定係等緊公司披露供股價。
股價方面，Jason就話，信証當日公布供股價時，股價曾經「跌一跌」，之後開始回升，不過，依家市況明顯有別於1年前，後市最重要睇...
