【Now財經台】截至早上11時止，1小時內《彭博》用戶關注度上升最多港股，依次為金沙中國(01928)、美團(03690)、中國恒大(03333)、銀河娛樂(00027)及中國聯通(00762)。
澳門上月賭收按年跌超過50%至34.8億澳門元，係2004年以嚟最少，摩根士丹利估計，內地通關後，賭收會加快復甦，估計今個月日均賭收達2億澳門元，按月大增80%。賭股最壞時間係咪已經過去？
資深證券分析師彭偉新指，市場對澳門博彩業有幾大憧憬，因為內地通關後，旅客數目一定增加，而農曆新年亦會有資金流入博彩活動。佢又話，單睇澳門博彩業數據走勢，以及復常勢頭，相信賭股呢浸反彈可以持續。
Castor又話，榜上兩隻賭股唔係升得最靚，可能畀大市限制咗升幅，佢又建議投資者留意美高梅中國(02282)、永利澳門(01128)，可以考慮做短期部署。
