【Now財經台】嚟到年尾，港股3大指數仍要跌15%至27%，恒指及國指將連跌3年。
今年跌得最甘嘅5隻恒指成分股，依次為舜宇光學(02382)、碧桂園(02007)、碧桂園服務(06098)、吉利汽車(00175)及創科實業(00669)，而有通關概念嘅金沙中國(01928)就係表現最好藍籌。
至於30隻科指成分股中，只有3隻有得升，分別是攜程集團(09961)、京東健康(06618)及阿里健康(00241)。究竟今年暴跌嘅殘股同整體指數明年有冇機會翻身？
華盛証券分析師聶振邦認為，內地及香港確定通關後會帶動明年嘅兩地經濟平穩發展，加上旅遊、經商活動復甦，而且通脹壓力較歐美地區低將有利出口表現，預期明年港股會受惠內地及本地經濟好轉。
聶Sir又話，如果美股明年第1季表現偏弱，亦可能吸引更多資金流入內地及香港股市，預期港股大機會重拾升勢，有機會升10%或以上。
