【財經TOP SEARCH】內房復甦路漫長

【Now財經台】截至早上11點止，1小時內《彭博》用戶關注度上升最多港股，依次為中國恒大(03333)、騰訊控股(00700)、美團(03690)、新奧能源(02688)、藥明生物(02269)。

據報，恒大位於昆明兩個項目，「恒大城」及「恒大.玖瓏灣」落實復工復建，事實上，綠城集團旗下的昆明綠星智慧早於本月中已宣布代管上述兩個項目，內房問題係咪將項目轉去有實力國企內房手上先解決到？

獨立股評人譚智樂指，如果喺賣樓方面去睇，重拾市場信心先係重點，將項目轉去有實力嘅國企內房的確係一個辦法，確保到停咗嘅項目能夠復產，一旦出問題，都唔會盲目去救，甚至將優質資產賣出去，汰弱留強。

Arnold又話，內房股喺12月跑輸大市，係因為宜家炒緊疫情相關嘅概念股，但中央11月推出一系列打救內房嘅政策，已令內房股跑贏大市，未來要留意合約銷售，即市場信心幾時先恢復到，但相信過程會比較漫長。