【Now財經台】浦江國際(02060)喺2019年上市，招股價2.68元，股價最新跌至0.65元水平，上市時市盈率(PE)約18倍，依家PE跌到只得2倍，其實公司一直都係賺錢，又曾經派過股息，12月中開始股價一直0.6元水平唔上唔落，其實浦江依家嘅估值吸唔吸引？
艾德金融聯席董事陳政深指，估值係咪吸引可以從兩方面睇，依家建築相關股PE一般介乎1至3倍，如果跟同業比較，浦江估值係相對平，因為市場對公司冇太大憧憬，以及對嚟緊新動工嘅項目期望唔高，加上内地面對龐大嘅財政赤字及融資成本高問題，呢啲因素都令大興土木嘅可能性減少。
Ryan又話，雖然浦江上市以嚟都冇蝕過錢，但派息政策唔穩定，投資者要考慮所有因素再做決定。
