【Now財經台】國務院近期就各行各業發表多份經濟諮詢文件，其中包括《關於深化現代職業教育體系建設改革的意見》，希望主導職教行業，官方甚至用到地方專項債嘅財政手段，提出「產教融合共同體」，消息對職教行業前景有幾大利好作用？
耀才證券研究部總監植耀輝指，兩、三年前，市場曾對教育行業有好大憧憬，但受政策干預，導致唔少教育股股價大跌，新東方(09901)曾瀉逾80%，不過，最新又有政策扶持教育行業，而且今次政策嘅針對性及力度都足夠，所以刺激一眾教育股彈高。
Stanley又話，唔少教育股已升至1年高位，其中新高教集團(02001)今個月已累升57%，見14個月高位，但距離高位仲有一段距離，呢類股份之前跌得太殘，所以政策一變就趁勢彈高，市場憧憬新政策可促進整個行業發展，但利好因素係咪已經反映晒要再觀察。
