【Now財經台】風電股今年表現差，股價一直冇乜起色，金風科技(02208)、龍源電力(00916)今年分別累跌逾50%。
不過，中銀證券認為風電行業「至暗時刻」已過，指裝機需求增加，風機回復理性價格競爭，以及原材料成本自高位回落，預期行業收入、盈利將有改善，因此，給予行業「跑贏大市」評級。
華盛証券分析師聶振邦就認為，考慮到明年經濟環境不明朗，今年內地GDP增長又未必能維持3%以上，加上石油價格近日回落，對風電需求未必咁強，因此，對行業前景審慎。
中銀證券推薦優先配置海上風電及零部件企業，幾乎清一色屬於A股，在港上市嘅金風、龍源等陸上風電股榜上無名，不過，該行估計，明年陸風及海風裝機量將以倍數增長，總裝機量有機會突破100吉瓦，聶Sir亦相信陸風需求會受惠海風增長。
