【Now財經台】截至早上11時止，1小時內《彭博》用戶關注度上升最多港股，依次為雅居樂集團(03383)、金沙中國(01928)、安踏體育(02020)、旭輝控股集團(00884)及永利澳門(01128)。
連埋噚日公布「抽水」計劃嘅雅居樂及旭輝，單係12月已最少有6家內房配股集資，主要用來還債。市傳下隻「抽水」內房可能係萬科企業(02202)，其實萬科上周喺深圳舉行臨時股東大會，已經話提交申請股權融資授權議案，話希望把握當前政策窗口期融資。
不過，摩根士丹利又因應內房現時風險與回報吸引、估值仍處歷史低位，將行業評級上調至「吸引」。
富昌證券聯席董事譚朗蔚就唔太同意大摩嘅講法，認為內房股價雖然回升唔少，但只係靠市場信心恢復支持，欠缺資金流改善嘅基本面消息。
Stevan續指，萬科股價尋日起已見下行趨勢，更跌穿10天線，提醒投資者要小心其他內房股喺未有消息嘅情況下急跌，話可能係「抽水」先兆。
