【Now財經台】截至早上11時止，1小時內《彭博》用戶關注度上升最多港股，依次為雅居樂集團(03383)、旭輝控股集團(00884)、華晨中國汽車(01114)、港交所(00388)及長和(00001)。
內房股「抽水潮」不斷，最新有旭輝及雅居樂加入「抽水」行列，配售股份開市前已上板，兩隻股份近期都有前科，旭輝上周已減持旭輝永升服務(01995)股權，而雅居樂曾於11月16日開市前宣布，以先舊後新方式，配股集資逾7億元，雖然撲到水，但股價大跌，係咪同內房由11月起，不停排隊抽水，抽乾個水塘有關?
資深證券分析師彭偉新指，的確有關係，就算內房依家有資金繼續營運，但市場仍留意到，距離財務報表有改善，或有足夠資金發展餘下項目，仲有一段好大距離，因此，較缺水嘅內房短期內無法推盤，好難有現金流回籠，只能靠係市場融資。
Castor又指，市場預期，內房集資潮仍未結束，經過第1及第2輪集資後，投資者開始對內房股前景及興奮度減弱，令投資者厭倦配售股份，因此，股價一開市就大跌。
