【Now財經台】截至早上11時止，1小時內《彭博》用戶關注度上升最多港股，依次為合生創展集團(00754)、永利澳門(01128)、銀河娛樂(00027)、阿里健康(00241)及美高梅中國(02282)。
合生股價今朝喺冇乜消息下一度大跌16%，至於合景泰富(01813)開市前公布，以先舊後新配股集資逾4億，合景泰富股價今朝亦受壓，係咪只要傳出這類消息，就會震散民營內房？
富昌證券聯席董事譚朗蔚指，合生未有配股集資消息，如果話因為同業配股影響埋佢就唔太恰當，但建議投資者可以留意，合生股價好快就會落到11月高位，如果衝高後再急挫，有可能係資金食糊。
譚朗蔚坦言，現階段唔會博，因為對行業嘅信心仲未恢復，如果睇相關ETF，行業溫度仍然有，但個別股份配股後都未必安全，一旦ETF掉頭，就係趁高減持嘅機會。
