【Now財經台】旭輝永升服務(01995)遭控股股東減持，值得留意係，其實旭輝控股集團(00884)周一出咗通告，高調邀請有興趣嘅投資者，入標競投集團持有嘅旭輝永升持股，即逾23%股權，但另一方面，大股東兼管理層自己又走貨，對有意入標嘅投資者嚟講，算唔算係一個負面動作？
紅蟻資本投資經理李澤銘指，雖然會有造成少少負面氣氛，但真正買家未必會介意，因為控股股東喺招標前減持，減持期間亦冇進行交易，因此，負面影響未必太大。
Alan又話，旭輝永升控股股東減持「撳錢」係意料中事，過去一段時間，好多內房都出現債務問題，唔少房企大股東都透過減持套現，用嚟支持公司嘅營運及發展。
