【Now財經台】截至早上11時止，1小時內《彭博》用戶關注度上升最多港股，依次為國泰航空(00293)、吉利汽車(00175)、ASMPT(00522)、藥明生物(02269)及雅居樂集團(03383)。
出行旅遊需求預期會逐步復常，行政長官李家超指，明年跟內地通關有「很現實的可能性」，與此同時，國泰11月載客量飆逾6倍，日本東南亞機票需求大升，而國泰股價亦自低位彈咗唔少，但去到9元水平有阻力，今朝平開後維持約1%跌幅，半日收報8.48元。
大華繼顯執行董事梁偉源認為，雖然需求增加，但國泰喺過去3年不斷裁員，而礙於營運壓力未有出高價請人，導致人手安排未必配合到嚟緊嘅農曆新年假期需求，喺市場仍有憂慮下，國泰股價好難突破9元。
