【Now財經台】中國鐵塔(00788)日前同3大內地電訊商簽咗新一份5年協議，滙豐證券及同摩根士丹利都預期，鐵塔前景唔會有太大變化，收入及利潤率保持穩定，鐵塔收入冇惡化，已被市場界定為好過預期，係咪反映鐵塔收益增長空間有限？噚日股價抽高係咪反應過大？
耀才證券研究部總監植耀輝指，投資者會擔心鐵塔協議到期後，公司會比多啲折扣優惠電訊商，因爲電訊商嘅5G投入絕對唔少，但最終嘅折扣優惠又唔算好大，所以鐵塔股價噚日就抽升。
佢又話，值得留意係，即使折扣優惠少過預期，但唔係冇畀折扣，加上鐵塔嘅業務模式好難令投資者有好大憧憬，噚日呢下爆升更有升凸之嫌，所以股價今日回調係好合理。
