【Now財經台】截至早上11時止，1小時內《彭博》用戶關注度上升最多港股，依次為旭輝永升服務(01995)、華虹半導體(01347)、中芯國際(00981)、中升控股(00881)、世茂集團(00813)。
再有物管股大股東「撳錢」，旭輝永升服務控股股東折讓配股，配股價4.85元，籌逾4億元，消息一出，旭輝永升服務股價插水，更拖累其他內房及物管股，而旭輝控股集團(00884)早前都話標售所有旭輝永升服務持股，今次大股東配股係咪都感到意外？
椽盛資本投資總監曾永堅坦言，其實都預咗，尤其係高負債房企，雖然中央近期出招打救，高負債但資產質素唔差嘅民企內房，幫佢哋解決流動性危機，但發展商、大股東都等錢使，所以要透過旗下物管公司「割肉」還母債。
Jaseper又話，內房11月銷售數據差，尤其價格仍未止跌回穩，市場亦唔會對銷售有期待。此外，物管公司收益來源最主要係母企發展商銷售，如果新盤銷售唔理想，物管公司未來收益都唔會好，形成惡性循環。
