【Now財經台】截至早上11時止，1小時內《彭博》用戶關注度上升最多港股，依次為國泰航空(00293)、舜宇光學(02382)、新城發展(01030)、雅居樂集團(03383)及吉利汽車(00175)。
舜宇上周趁大市回勇重返「紅底股」，但上周五收市後出咗11月主要產品出貨數據，拖累股價今日急挫，而且愈跌愈多，一度大跌逾11%，公司3大產品出貨量按年及按月都要跌，舜宇「紅底股」再度不保。
富昌證券聯席董事譚朗蔚指，舜宇屬於科技股，如果大市氣氛好轉都會造好，不論早升、遲升、升多、升少都會受惠，不過，行業有唔少基本因素都令人存疑，例如換機潮，所以舜宇、丘鈦科技(01478)呢類股份，股價唔係因為數據靚而上升，好大機會只係受惠於市場氣氛好轉。
Stevan又話，舜宇靠手機鏡頭業務食糊，依家出貨量下跌，市況反彈得咁劇烈，如果見到按月數字仍冇出現上升趨勢，甚至下跌，舜宇股價可能已經炒完，建議投資留意呢個位...
