【Now財經台】今日內房、物管股跑出，行業消息面上，雅居樂集團(03383)減持旗下雅生活服務(03319)套現近5億元，拖累雅生活股價早市受壓，但午後拗腰向上。過去1年，市場對物管股有可能成為內房母企「提款機」都有好大戒心及憂慮，雅居樂今次減持，係咪再一次證明市場嘅憂慮並非諗多咗？
英皇證券研究部總監陳錦興指，呢個問題的確要留意住，尤其財政冇咁充裕嘅內房，都有可能配股集資，加上依家市場對內房、物管股嘅需求增加，唔排除有機構投資者唔想再持貨，趁機沽貨套現，唔排除雅居樂都有類似情況。Stanley提醒投資者，一啲小型物管股其實都有「抽水」誘因，如果股價喺短時間內急升就要小心喇。
