【Now財經台】內地噚日公布「新十條」，進一步優化防疫措施，北京市電影局即刻公布，入戲院睇戲唔使查核酸證明，北京多間劇場亦可恢復營業，受消息刷刺激，貓眼娛樂(01896)、阿里影業(01060)及IMAX中國(01970)股價今日顯著上升，摩根士丹利亦上調呢3隻股份目標價，又話最睇好票務平台貓眼娛樂，因為估值比同業吸引，明年預測市盈率(PE)約13倍，今次放寬防疫政策電影股會唔會成為贏家？3隻股份中邊隻可以睇高一線？
艾德金融聯席董事陳政深估計，內地防疫政策轉向「重開」方向，預期放寬程度會愈來愈大，零售及娛樂事業等行業會受惠於整體復工復產，因為娛樂事業涉及好多經濟環節，市民睇完戲就會去食飯、參加商場活動，人流多咗自然增加整體經濟活力。
揀股方面，佢認為唔好睇重估值，反而揀一啲走勢領先嘅股份，而上述提及嘅3隻股份，佢認為IMAX中國及阿里影業可以睇高一線，原因係...
